{mosimage}Интернэт дэх медиа, маркетинг, зах зээлийн
судалгаагаар тэргүүлэгч Nielsen//NetRatings сүүлийн 10 сарын байдлаар instant
messenger-ийн өсөлтийг судалж гаргалаа. Тус судалгаагаар Meebo.com-ийн өсөлт
маш хурдацтай гарсан юм. Meebo бол компьютертоо ямар ч програм татаж,
суулгалгүйгээр браузер ашиглан тус вэб хуудсаар нэвтрэн орж чатлах боломжтой
систем юм. Meebo-гийн хэрэглэгчдийн өсөлт 354% болтлоо ахисан байна.

Meebo
2006 оны 8 сард 434 000 хэрэглэгчтэй байсан бол 2007 оны 6 дугаар сард 2
сая орчим хэрэглэгчтэй болсон байх юм (Хүснэгтээс харна уу). Мөн Google
Talk-ийн өсөлт маш их харагдаж байна. Google Talk-ийн өсөлт гурван оронтой 149%
хүртэл өсөж, 904 000-аас 2.3 сая болтол давтагдашгүй хэрэглэгчтэй болсон байна.

MVU 154% болтлоо өссөн нь бас амжилт болж байна. Бусад instant messenger-үүд нэмэлт функц, үйлдлүүд,
үйлчилгээг хэрэглэгчдэд санал болгож байна. Видео урсгал, дуут мессеж зэрэг
олон үйлчилгээг үзүүлж байна.

“Өнөөдөр instant
messenger нь харилцаа холбооны үндсэн хэв загвар болж байна. Дээрх интернэт
урсгалын тоон үзүүлэлтээс харахад хэрэглэгчдэд технологийн илүү их шаардлага,
боломж хэрэгтэй байгааг илтгэж байна” гэж Nielsen/NetRatings-ийн медиа судлаач,
шинжээч Jason Lee өгүүлж байна.

Та instant messenger-гүйгээр төсөөлөөд нэг үз дээ.
Миний санаанд лав буухгүй байна. Бид хамаг хувийн болон албаны ажил төрлөө
messenger-ээр амжуулдаг билээ. Messenger үнэхээр бидний амьдралын нэгэн хэв
маяг, харилцаа холбооны нэгэн хэрэгсэл болжээ.

Nielsen/NetRatings-ийн
тухай товчхон:

Nielsen/NetRatings бол
интернэт дэх медиа, зах зээл, марктенгийн судалгаа шинжилгээ хийдэг Nielsen
компаний нэгэн үйлчилгээ юм. Энэ нь интернэт хэрэглэгчдийн судалгаа, онлайн
сурталчилгаа, хэрэглэгчдийн амьдралын хэв маяг, интернэт худалдаа, вэб хуудсын
хэмжилт (аналитик, шинжилгээ) зэрэг олон төрлийн судалгаа шинжилгээний
үйлчилгээ юм.

Мэдээллийг
Д.Цогбадрахын хувийн блогоос