Монтенегро улсын Засгийн газраас ажлын байрандаа Facebook, Youtube зэрэг дэлхий даяар хэдэн сая хэрэглэгчидтэй вэбсайтууд руу орохыг хоригложээ. Тус улсын төрийн албан хаагчид ажлын цагаар олон нийтийг холбосон эсвэл видео портал сайтууд болох Facebook, Youtube руу нэвтрэх гэвэл “Орохыг хориглов” гэсэн мессеж гарч ирэх гэнэ. 650 мянга гаруй хүн амтай Монтенегро улсын хувьд сүүлийн хэдэн жилийн хугацаанд интернэт хэрэглээ асар хурдацтай өсч буй орнуудын нэг юм.